CEBU, Philippines — Ang Sugbo mao na sab ang masentro sa mga atleta gikan sa Visayas ug Mindanao sa dihang ang DanceSport Team Cebu City (DTCC) mopahigayon sa ilang 8th DanceSport Dance Camp 2019 nga gikatakda karong Mayo 9-11 diha sa Mountain View Nature's Park sa Roosevelt Road, Sitio Garahe sa Barangay Busay, Dakbayan sa Sugbo.
"The trainings we offer at the Dance Camp are crucial for a sustained level of competence for the athletes and naturally, it is added learning for the coaches and trainers," sumala pa ni DTCC head coach Crisaldo 'Loloi' Rendon, ang Batang Pinoy DanceSport Tournament Manager ug bag-ong natudlo nga Southeast Asian Games (SEAG) 2019 Competition Manager. Ang DanceSport Dance Camp dili lamang alang sa mga atleta, kun dili sa non-athletes, social dancing ug sa mahiligon og sayaw. Mahimo silang moapil isip single dancers o di ba dancing couples. Ang Camp naglangkob og upat ka adlaw ug tulo ka gabii nga intensive dance instructions pagbaid sa ilang talento sa sayaw depende sa level (beginner, intermediate, advanced, competitive) sa Latin American ug Modern Standard disciplines ug DanceSport ug sa social ballroom dance.
Alang sa rehistrayon ug mga detalye, mahimong mokontak ni Jenette Flores o dili ba ni Marjorie Pasaje sa (032) 260-1850, 0923-563-9110 ug 0956-722-0010. Mahimong mo-email sa dancesportcebu@gmail.com o bisita sa www.dancesportcebu.org.