James, Lakers dili makasulod sa finals

CEBU, Philippines – Walo na ka season miduwa si NBA superstar LeBron James sa finals, apan si Hall-of-Famer Steve Nash miingon nga maglisud  na siya  karon nga season.

Si James nga mihimo og sunod-sunod nga finals appearance uban sa Miami Heat ug Cleveland Cavaliers, mitapon sa Los Angeles Lakers nga nakita ni Nash nga dili pa andam  pagdominar sa lisud nga kompetisyon sa Western Conference.

Si Nash nga miduwa sa katapusan niyang NBA season sa Los Angeles Lakers nagtuo hinuon nga dako og kalamboan ang mahimo sa Lakers ug mosulod sila og balik sa playoffs tungod ni James, apan kuwang pa sa kasinatian ang mga teammates niini rason nga dili sila maglisud sila sa finals.

Si James gialirongan sa mga veteran sama nila ni Rajon Rondo, JaVale McGee ug Lance Stephenson, apan mas daghan ang mga batan-ong players sa ilang koponan sama nila ni Lonzo Ball, Brandon Ingram, Kyle Luzma ug Sviatoslav Mykhailiuk.

Nagtuo si Nash nga hinay-hinay   mosaka ang Lakers ug mabalik sa ilang estado isip title contender sa liga.