CEBU, Philippines – Ang Sacred Heart School-Ateneo de Cebu (SHS-AdC) ang napili nga host sa tinuig nga Jesuit Athletic Meet (JAM) nga gitakda karong Oktubre 25 didto sa ilang school campus sa Barangay Canduman, Dakbayan sa Mandaue.
Liboan ka student-athletes gikan sa 10 ka Jesuit school tibuok nasud ang moapil sa maong multi-sporting event.
Mga tunghaan nga mosalmot mao ang powerhouse Ateneo de Manila University, Xavier School San Juan, Xavier School Nuvali, Ateneo de Naga University, Ateneo de Iloilo, Ateneo de Davao, Ateneo de Zamboanga, Xavier University-Ateneo de Cagayan, Loyola College of Culion ug host SHS-Ateneo de Cebu.
Ang mga sporting disciplines nga tigian naglakip sa basketball, volleyball, football, futsal, athletics, table tennis, chess (boys and girls), badminton, lawn tennis ug swimming.