TNT posibleng moduwa nga walay import
CEBU, Philippines – Posibleng moduwa nga walay import ang TNT KaTropa batok sa Blackwater Elite sa PBA Commissioner's Cup karong adlawa didto sa Smart Araneta Coliseum.
Kini human ang TNT mipahibalo kagahapon sa hapon nga ila na nga gipapauli ang higanteng import nga si Jeremy Tyler tungod kay wala sila makontento sa duwa niini ilabi na sa ilang kapildihan batok sa Alaska Aces niadtong miaging Domingo.
Ang TNT (3-1) ug Blackwater (0-5) magsangka sa alas-4:30 sa hapon.
Si Tyler maoy ikaupat nga import nga gipapauli karon nga conference sunod nila ni CJ Akien (Columbian Dyip), Adrian Forbes (NLEX Road Warriors) ug Troy Gillenwater (San Miguel Beermen).
Gidungog nga gusto sa TNT nga kuhaon pag-usab ang kanhi best import nga si Joshua Smith, apan huwaton pa nila nga mahuman kini og duwa didto sa Japan.
Sa main game sa alas-7 sa gabii, ang Meralco Bolts moharong sa Magnolia Hotshots.
- Latest
