Rufrance 4-0 na, Elijah Homes nakasagunson tulo ka daog sa BLBA
CEBU, Philippines — Ang Rufrance/PNP miinat sa mainit niining ratsada ngadto sa 4-0, samtang ang Elijah Homes/A. Lopez mikadlit sa ikatulo niining sagunson nga daog sa Barangay Labangon Basketball Association (BLBA) 2018 Season First Conference niadtong Miyerkules sa gabii diha sa Labangon Sports Compex.
Si kanhi PBA star Roger Yap mitagak og 22 puntos, samtang ang beteranong commercial player nga si Baltazar Jueves midugang og 16 puntos sa dihang gilubong sa Rufrance ang Trangia Sportswear, 102-85 sa engkuwentro tali sa duha ka wa’y pildeng koponan aron pag-angkon sa solong liderato.
Sa laing duwa, si Jercules Tangkay nalimitahan ngadto lamang sa otso puntos apan si Jonel Villarosa misalida uban ang 24 puntos aron pangulohan ang Elijah Homes ni team owner Jeson L. Guardo ngadto sa 136-105 nga demolisyon sa PVL Construction.
Sila si Robert Abasolo ug Orly Alvarado mihipos og 21 puntos matag usa, samtang sila si Rosal ug Resty Getubig nagkumboya’g 22 puntos alang sa Elijah Homes nga wala na mopaginhawa pa sa PVL Construction sukad sila miposte og 43-28 nga labaw.
Sa laing duwa, ang CIT Alumni mipakgang sa tulo ka sunod-sunod niining pilde, apan nag-agi usa kini sa bangag sa dagom sa wala pa makaipsot batok sa Bon-Ami, 96-95.
PUNTOS MATAG USA
Elijah Homes (136) - Villarosa 24, Abasolo 21, Alvarado 21, Rosal 12, Getubig 10, Nacua 10, Arellano 9, Tangkay 8, Mulchandani 7, Gubaton 6, Lozano 3, Garcia 2, Alemencion 2
PVL Construction (105) – Olefernes 30, Estrera 18, Abella 16, Rosario 12, Ricarte 8, Donggon 6, Mediano 5, BGM 4, Aniga 2, Restauro 2, Alatraca 2.
- Latest
