CEBU, Philippines — Ang kanhi Pinoy boxing champion nga si Nonito Donaire Jr. miingon nga sa iyang paminaw mas paspas ug mas kusgan siya karon itandi sa miagi niyang mga training camp.
Si Donaire nagpanikad na sa iyang sangka batok ni Irish boxing star Carl Frampton sa Abril 21 didto sa Belfast, Ireland.
Si Donaire nga naglaraw nga moaway og laing world title, miingon nga mas nindot iyang pamati sa featherweight division ug ganado siya batok Frampton nga sama kaniya usa ka knockout artist.
Sa iyang bahin, ang asawa ni Donaire nga si Rachel mipadayag sa kabalaka nga basin og mabiktima og ‘hometown’ decision iyang bana kun sikit unya ang away ug moabot kini og 12 rounds.
Paningkamuton ni Donaire nga iyang ma-knockout si Frampton aron maseguro ang daog.