E&F Surplus klaro na makaangkon sa no. 1
CEBU, Philippines — Segurado nang maangkon sa E&F Surplus ang no. 1 spot bisan pa og mapilde sila sa katapusan nilang duwa sa elimination round sa J&J Surplus Ballclub basketball tournament.
Ang E&F Surplus nagbitbit na og 10-0 nga baraha human midaog batok sa St. Louis, 113-100 niadtong Huwebes sa gabii didto sa GT Academy gym sa Tayud, Lilo-an.
Kuyaw kaayong nakaduwa si Tingan Gestopa diin miratsada siya og 36 puntos aron pangulohan ang E&F Surplus nga maoy nikontrolar sa kinatibuk-ang duwa.
Ikaduhang topscorer sa E&F Surplus mao si Tata Betinol nga mikamada og 20 puntos, gisundan ni Anton Tranghia sa iyang 16 puntos ug Kent Nuñez nga adunay 11 puntos.
Ang leading scorer ug team owner nga si Fury Trazona nalimitahan lang ngadto sa 10 puntos.
Ang St. Louis nga nagbitbit og 7-3 nga baraha, gipangulohan ni Clyde Ravina nga miiskor sab og 36 puntos. Upat sab ka players sa St. Louis ang naka-double digits nga naglakip sa team captain niining si Arvin Tolentino nga miposa og 15 puntos.
Sa laing bahin, ang Union Galvasteel midemolis sa Domz Auto Supply, 93-70 alang sa ilang 4-5 nga baraha.
Gipangulohan ni Manolito Dejarme ang daog nga miburak og 26 puntos.
Ang Union Galvasteel ni Arnold Labustro mao na ang nikontrolar human milabaw og 10 puntos sa first period, 25-15.
Ang Domz Auto Supply ni playing team manager Domz Mercader aduna na’y 3-8 record.
Ang liga nga ubos sa pagtugot sa presidente niining si Henry Agbon, giduma ni commissioner Fury Trazona sa abag nilang Ranil Pepito, Harry Espante ug Choy Pilapil.
PUNTOS MATAG USA
Unang duwa:
E&F Surplus (113) – Gestopa 36, Betinol 20, Tranghia 16, Nuñez 11, Trazona 10, Igoy 9, A. Sabang 4, Ponce 3, Caballes 2, K. Sabang 2.
ST. LOUIS (100) – Cl. Ravina 36, Tolentino 15, S. Congson 14, Archie 11, Cy. Ravina 10, Arcilla 6, Aballe 4, Acosta 2.
Ikaduhang duwa:
UNION Galvasteel (93) – Dejarme 26, R. Mantos 21, Capin 11, Gellocane 9, Judaya 7, Flores 6, Macasero 4, Tdtud 3, Barro 2, Benavente 2, Orongan 2.
DOMZ (70) – Arevalo 17, Jose 15, W. Oyao 11, Icot 8, Oyao 8, Domz 5, Gon 4, Jugalbot 2.
- Latest
