CEBU, Philippines — Nabuhi ang paglaum ni ex-British boxing champion Amir Khan nga makasangka si Manny Pacquiao ibabaw sa ring nga dugay na kaayo niyang gipangandoy.
Kini tungod kay hangtod karon, wala pa’y nahatag nga pangan sa mga boksidor ang Top Rank Inc.
nga iparang sunod ni Pinoy boxing icon.
Dili sab motugot si Khan nga moretiro na lang si Pacquiao tungod kay nakita niya nga siyento porsiyento pa ang kusug sa eight-division world champion.
Wala giisip ni Khan nga gikan sa pilde si Pacquiao tungod kay alang kaniya ang Pinoy ring star ang angay nga midaog sa sangka niini batok ni Australian Jeff Horn sa miaging tuig.
“I think he won that fight, but he didn’t get it,” matud pa ni Khan sa Sky Sports.
“Pacquiao is a legend in the sport already, but he still wants to keep on fighting. Imagine being put in the ring with him would be something, I would love that.”
Gipahibalo ni Khan nga mobalik siya sa welterweight division human siya napilde pinaagi sa knockout batok ni WBC middleweight champion Saul Alvarez niadtong 2016.