Blatche balik Gilas

CEBU, Philippines — Sa pasalig ni ex-NBA center Andray Blatche nga moduwa og balik sa Gilas Pilipinas, nagduha-duha na karon ang mga kadagkoan sa Samahang Basketbol ng Pilipinas (SBP) kun ipadayon pa ba nila ang naturalization process alang ni 7-foot-2   Isaiah Austin.

Si Austin maoy nag-unang kandidato aron sunod nga himuong naturalized player human   mibalibad si Blatche pagduwa sa national team, apan ang nauwahi mipasalig na nga motabang sa Gilas sa umaabot niining kampanya.

Si Blatche gitakda nga moabot sunod semana aron  moapil sa ensayo sa Gilas pangandam sa FIBA World Cup qualifiers nga sugdan sa Nobiyembre 24.

Si Austin gihulagway nga angayan unta nga sunod mahimong player sa Gilas tungod sa iyang gipakitang labok sa miaging FIBA Asia Cup diin siya maoy import sa team.

“We have not begun the tedious and difficult process of naturalizing anyone new. Our current naturalized player is (still) Andre Blatche,” matud pa ni SBP vice chairman Robbie Puno sa Spin.ph.

Ang 6-foot-11 nga si Blatche niduwa sa Gilas niadtong 2014 FIBA World Cup ug sa miaging 2016 FIBA Asia Championships. (BANAT NEWS)