CEBU, Philippines — Pakyas si Genesis ‘Azukal’ Servania pagbira sa WBO featherweight title human siya mapilde ngadto ni Oscar Valdez kagahapon didto sa Arizona Convention Center.
Napatumba unta ni Servania sa fifth round si Valdez, apan ang Mehikanong kampiyon nakarekober dayon na pag-iskor og daog.
Wala na mausbi pa ni Servania og tumba si Valdez kay miaksiyon kini og kaluya sa hinapos nga
bahin sa away.
Human sa 12 ka hugna nga binukbukay, ang tulo ka hurado mihatag og 116-110, 119-111 ug 117-109 pabor ngadto ni Valdez.
Si Valdez pabiling wa’y pilde sa 23 ka away, samtang ang Japan-based nga si Servania nakatilaw sa labing unang pilde sa 30 ka away. (BANAT NEWS)