CEBU, Philippines - Dili makaduwa uban sa Gilas Pilipinas 5.0 nga mokumbati sa SEABA Championship ang top rookie ug Blackwater Elite star Mac Belo tungod kay gikatakda siyang operahan sa iyang injury sa tuhod.
Naangkon ni Belo ang maong injury sa sayong bahin sa Commissioner’s Cup ug gikatahong mawala siya og kapin usa ka buwan.
Nadismaya si Belo sa migawas nga resulta sa iyang injury, apan mipasalig nga makaduwa siya uban sa nasudnong koponan sa Southeast Asian Games sa Agosto.
Ang 24-anyos nga si Belo gitan-aw nga malakip sa final 12-man line-up sa Gilas tungod sa iyang kasinatian isip Gilas cadets sa miaging tuig diin nakatabang siya paghatag og gold medal sa nasud sa miaging SEABA Cup. (BANAT NEWS)