CEBU, Philippines - Ang Alaska Aces mihirit sa ikatulo nilang sunod-sunod nga daog, ning higayona batok sa Mahindra Floodbuster, 98-92 sa PBA Commissioner’s Cup kagabii didto sa Smart Araneta Coliseum.
Nagpabilin ang maayong performance ni import Corey Jefferson ug gipangulohan niya ang Aces pinaagi sa iyang 30 puntos ug 11 ka rebounds.
Sila si Calvin Abueva ug Sonny Thoss mitampo og 18 ug 11 puntos matag usa.
Gikan sa 10 puntos nga labaw sa halftime, 28-18, mipaarak og puntos ang Alaska sa third period diin miposte sila sa labing daku nilang labaw nga 16 puntos, 74-58 sa nahabiling 1:53 sa maong kuwarter.
Misuway og gukod ang Mahindra ug napahakan ang labaw ngadto sa nuybe puntos, 98-89, sa katapusang 58 segundos, apan uwahi na ang tanan aron mohimo og usa ka come-from-behind nga kadaugan.
Ang Mahindra nga adunay 1-4 nga baraha gibidahan sa import nilang si James White nga aduna sa’y 30 puntos, samtang si Mark Yee miamot og 12 puntos. (BANAT NEWS)