CEBU, Philippines - Gibiyaan na ni Fil-American ug Phoenix Fuel Master rookie Matthew Wright si Mac Belo sa Blackwater Elite sa lumba alang sa ‘Rookie of the Year’.
Si Belo, ang No.1 pick sa miaging draft mao ang labing ngilngig nga rookie sa pagsugod sa elimination, apan hinay-hinay siya nga gigukod sa masidlakong si Wright dihang misulod ang Phoenix sa playoffs.
Si Wright adunay 30.5 statistical points nga maoy labing taas sa mga rookies. Sa una niyang conference sa PBA, si Wright mi-average og 18.5 points, 6.8 rebounds ug 3.3 assists, samtang si Belo nga adunay 27.7 SPs, mi-average og 14.3 points ug 7.3 rebounds. Ikatulo sa ROY race si Jio Jalalon sa Star Hotshots nga nag-average og 9.4 points, 4.4 rebounds ug 2.8 assists, samtang ang Cebuano nga si Roger Pogoy sa TNT Katropa adunay 9.4 points ug 4.5 rebounds per game sa All-Filipino Cup. (BANAT NEWS)