CEBU, Philippines - Nagkumboya og 38 puntos sila si JR Pantorial ug Brian Pepito sa Team 7 nga midaog batok sa Team 8, 80-75 LEAD Ballclub Christmas League 2016 niadtong Biyernes didto sa KAI Sports Complex sa Lilo-an, Cebu.
Si Pantorial mikadlit og 21 puntos ug si Pepito mikulit og 17 puntos , samtang ang team owner nga si Lebrian Pepito Donasco nga mao kanunay ang gatimon sa duwa, miamot og otso puntos sa kadaugan sa iyang koponan nga miposte og 25-14 nga bentaha paghuman sa first quarter.
Ang Team 8 ni Artswat Sabang gipangulohan sab ni Elton Auman nga mipupo og 20 puntos, gisundan ni Edger Ybañez nga miani og 14 puntos.
Sa unang duwa, si Andot Alejandrino mipauwan og pito ka 3-pointers sa iyang 28 puntos aron mangu sa balanseng ataki sa Team 5 pagpukan sa Team 6 ni Jun Cabrillos, 88-79.
Si Jomel Baribe nga wala kapugngi sa ilawom miambit og 16 puntos, samtang ang napildeng Team 6 gipangulohan sab ni Gerald Fernandez nga mikamada og 21 puntos, gisundan ni John Menchavez nga adunay 20 puntos.
Puntos matag usa
Unang duwa:
TEAM 5 (88) – Alejandrino 28, Baribe 16, Saiah 10, Andy 8, Ebo 8, Alvin 4, Edwin 4, Edgar 3, Jayme 2.
TEAM 6 (79) – G. Fernandez 21, Menchavez 20, Jepoy 8, Markchoi 7, M. Fernandez 6, Rex 6, Cortes 2, F. Fernandez 2.
Ikaduhang duwa:
TEAM 7 (80) – Pantorial 21, B. Pepito 17, B. Urot 9, Donasco 8, Jamir 7, Palannes 7, Cabatingan 7, Noval 6, P. Pepito 2.
TEAM 8 (75) – Auman 20, Ybañez 14, Dagol 12, Guap 12, Artswat 9, Paxson 7, Dennis 3. (BANAT NEWS)