CEBU, Philippines - Walay hunong ang damgo ni Fil-American nga si Ray Parks Jr. nga moduwa sa NBA dihang mobalik siya og duwa sa NBA Development League human siya gikuha sa Westchester Knicks.
Nahugno si Parks human gipahibalo sa Texas Legends nga dili na nila lugwayan ang kontrata sa Pinoy, apan nausab ra dayon human siya gipili isip final pick sa Knicks atol sa draft kagahapon.
Ang 6-foot-4 nga si Parks, kinsa niduwa sa Gilas Pilipinas sa miaging Olympic qualifiers mi-average og 4.6 points ug 1.9 rebounds sa una niyang season sa D-League.
Ang Westchester Knicks usa ka farm team sa New York Knicks sa NBA.
Tungod niini si Parks maningkamot nga makahimo og nindot nga performance sa sunod season aron usab matuman na ang iyang damgo nga makaduwa sa NBA. (BANAT NEWS)