CEBU, Philippines - Giharos sa Batang Gilas national squad ang tanan nilang mga duwa sa elimination sa 2016 SEABA U18 Championship didto sa Medan, Indonesia dihang ilang gilubong ang host team Indonesia, 113-73.
Ang Batang Gilas moduwa sa finals batok sa Thailand nga miabante sab human milabaw sa winning quotient batok sa Indonesia.
Ang Batang Gilas gilantaw nga mokampiyon tungod kay atol sa ilang duwa sa elimination round, gilubong sa mga Pinoy ang Thais, 101-45.
Ang Batang Gilas nga segurado na sa ilang luna sa 2016 FIBA Asia Championship nga ipahigayon didto sa Iran, gipangulohan ni Joshua Sinclair sa iyang 25 puntos ug 10 ka rebounds.
Ang Indoneisa ug Malaysia maoy magsangka alang sa ikatulong puwesto ug sa katapusang luna sa FIBA Asia. (BANAT NEWS)