Simple likes milubong sa car door aircon
CEBU, Philippines - Nagsolo sa ikaduhang puwesto ang Simple Likes Resto Bar human ilang gilubong ang Car Door Aircon, 112-98 sa 8th F. Llamas Youth Association (FYA) basketball tournament niadtong Sabado didto sa sitio Manggahan open court, barangay Punta Princesa, ning dakbayan.
Sa laing duwa, ang D&L Tailoring mikulit sa ilang ikaduhang daog nga wala’y hago human ma-forfeit ang Doogie Riders.
Ang D&L Tailoring miposte karon og 2-0 nga baraha.
Ang former coach sa USC Warriors nga si Britt Reroma miburak og 32 puntos, samtang si kanhi USJ-R Jaguars Giovanni Canceko midugang og 21 puntos ug si Noel Medalle mitampo’g 13 puntos.
Sila si Ranel Patalita ug James Montiadora parehong miposa og 22 puntos alang sa Car Door Aircon ug si Lito Mirasol adunay 15 puntos.
Ang Simple Likes nagbitbit og 2-1 nga baraha, samtang ang Car Door Aircon adunay 1-2 record.
Puntos matag usa
Simple Likes (112) – Reroma 32, Canceko 21, Medalle 13, Abay 12, Cabanes 11, Gambe 11, Mendoza 4, Cueme 4, Zapanta 4.
Car Door Aircon (98) – Patalita-22, Montiadora-22, Mirasol 15, Billones 12, Mayol 10, B. Medalle 7, Lavandero 4, Trinidad 4, Duran 2. (BANAT NEWS)
- Latest
