CEBU, Philippines – Dul-an sa 500 ka mga runners ang gilauman nga modagan sa ‘Run for LOVE’ nga gitakda sa Pebrero 14 didto sa Mactan Newtown grounds sa Lapu-Lapu City.
Ang lumba gilangkuban og 5K ug 3K open ug 5K ug 3K couples category.
Mga ganting salapi ug medalya ang nagpaabot sa top three finishers sa maong lumba.
Ang registration fee nagkantidad og P350 alang sa individual run ug P600 sa couples’ race, libre na ang singlet, race bib ug snacks. Mahimong magparehistro didto sa Sto. Niño Mactan Montessori School Inc. campus ug sa Sto. Niño de Cebu-Mactan Parish. (BANAT NEWS)