Sesante bag-ong head coach UC webmasters
(Banat) - January 14, 2016 - 9:00am

CEBU, Philippines - Si  Atty.  Kenneth  Kernn Sesante dunay bag-ong hagit, apan ning higayona sa paugnat sa kusog nga duol sa iyang dughan.

Kini human si Sesante mipirma og kontrata isip head coach sa University of Cebu (UC) Webmasters sa Cebu Schools Athletic Foundation, Inc. (CESAFI).

Matud pa ni Sesante, nga nahimong team captain sa UC Webmasters sud sa upat ka sunod-sunod nga tuig (2002-2005), nga wala niya damha nga maabot kining tahas gumikan kay bugtong niyang pangandoy sa dihang bata pa siya mao ang makaduwa lamang sa PBA. Wa gyud misantop sa iyang huna-huna ang mahimong usa ka coach hangtod nga nikalit kini og tugpa sa iyang mga palad karon.

“I was really surprised. I never dreamed of coaching. All I ever wanted before was to play in the PBA, but God has other plans for me,” matud pa sa 32-anyos nga si Sesante.

Alang ni Sesante, ang iyang pagdawat sa maong tahas usa ka pamaagi pagsukli sa tunghaan nga naghulma kaniya ug daku’g natabang kun unsay iyang naabtan karon.

Gradwado siya sa UC ubos sa degree nga Bachelor in Customs ug na-topnotcher siya (No. 2) niadtong 2006 Customs Broker Licensure exams. Cum Laude sab siya sa Bachelor of Laws ug nahimong hingpit nga abogado niadtong 2012.

Usa lang ka tuig ang pasiunang kontrata nga gipirmahan ni Sesante ug una niyang misyon mao ang pagpalig-on og maayo sa ilang depensa. Ang utlanan sa ilang tinguha mao ang pag-angkon og titulo sa CESAFI.

Giangkon ni Sesante nga usa kini ka malisud nga tahas apan andam siyang atubangon ang maong hagit.

“Just like the other teams, we aim for the CESAFI crown,” matud pa ni Sesante. “But we still have a lot of work to do considering that most of our players are rookies and sophomores”. (BANAT PALARO)

ACIRC ALL I ANG BACHELOR OF LAWS CEBU SCHOOLS ATHLETIC FOUNDATION CUM LAUDE CUSTOMS BROKER LICENSURE KERNN SESANTE NGA SESANTE UNIVERSITY OF CEBU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with