CEBU, Philippines – Nakasinati na sab og sakit nga kapildihan ang Meralco Bolts sa ligas kaayo nila nga duwa batok sa NLEX Road Warriors, 91-93 sa PBA Philippine Cup kagabii didto sa Smart Araneta Coliseum.
Dumadaog ang Meralco dihang labaw sila og uno punto, 91-90 sa katapusang otso segundos human sa tres ni Gary David, apan si Jared Dillinger nakahimo og foul ngadto ni NLEX forward Sean Anthony nga mihatod kaniya ngadto sa free throw line ug nakompleto ang iyang duha ka itsa. Biya og uno punto, 92-93, ang Bolts may kahigayonan nga makuha pa ang daog dihang ila ang bola, apan nakahimo sila og turnover.
Si Asi Taulava maoy nangu sa NLEX sa iyang 22 puntos, samtang sila si Anthony ug Enrico Villanueva mihimo og 19 ug 17 puntos matag usa. Ang rookie nga si Chris Newsome adunay 21 puntos alang sa Meralco. (BANAT NEWS)