CEBU, Philippines – Ang dakbayan sa Danao mopahigayon og dragon race nga uloha’g “Dragons at the Boardwalk” karong adlawa didto sa boardwalk sa Danao.
Kabahin kini sa kasaulogan sa Karansa Festival sa Danao City. Ang lumba gibahin sa duha ka dibisyon -- open ug All-Danao class.
Walo ka koponan ang mag-ilog sa open division nga naglakip sa mga out-of-town participants gikan sa Bohol ug Dumaguete. Morepresentar sa Sugbo mao ang Team Lexmark, Habagat Outdoor Shop, Bogo ug host Danao City Milers.
Sa all-Danao division, mosalmot ang Barangay Looc, Taytay, Dungoan, Team Rambo, Office of the City Administrator, DepEd Danao ug CTU-Danao.
Ang lumba gisuportahan sa Cebu Provincial Sports Commission ug Dragon Boat Cebu Central. (BANAT NEWS)