CEBU, Philippines - Miabante sa semifinal round ang Southwestern University ug University of San Jose-Recoletos secondary girls team sa volleyball event sa 2015 Cebu Schools Athletic Federation tournament kagahapon didto sa Aznar Coliseum.
Ang SWU miiskor sa ikalimang daog sud sa unom ka duwa human nila gipukan ang University of Cebu, 25-16, 25-6. Nagsunod sila sa defending champion nga USJ-R nga adunay perpektong 5-0 record.
Sa women’s tertiary class, ang University of San Carlos nakaipsot batok sa University of Southern Philippines Foundation, 23-25, 25-6, 25-20, 25-21.
Sa men’s division, ang USJ-R spiking Jaguars mikolekta sa ikatulo nilang sunod-sunod nga daog batok sa UC, 25-20, 25-17, 25-16.. (BANAT NEWS)