CEBU, Philippines – Miiskor og usa ka dominanteng “unanimous decision” nga kadaugan si ALA Gym boxer Elmo ‘Bisdak’ Traya (8-1, 6KOs) batok sa journeyman nga si Rodel Wenceslao (8-11, 2KOs) sa main event sa ALA-Cobra Energy Drink ‘Tunay na Lakas Boxing’ fightcard sa miaging gabii didto sa Freedom Park sa Malaybalay, Bukidnon.
Pakyas hinuon si Traya sa iyang tinguha pag-knockout ni Wenceslao, apan impresibo gihapon iyang gipakita atubangan sa mga boxing fans didto sa Bukidnon.
Sa supporting main events, ang Sugbuanong si Jess Rhey ‘Wamah’ Waminal (6-0, 4KOs) mipaundang sa second round ni Rowel ‘Merciless’ Garcia (6-17,1KO), samtang si Gerard ‘Gecko’ Suico (4-0, 3KOs) mi-KO usab ni Saddam Barambangan (3-8, 2KOs) sa first round.
Lain pang midaog sa maong fight card mao sila si Melvin Jerusalem batok Rodante Suacasa, Jundel Gregorio batok Ronald Garcia, Michael Estrella batok Jessie Suacasa ug Mardie Muaña batok Sonny Basañez. (BANAT NEWS)