CEBU, Philippines – Subling gipakita ni country’s marathon queen Mary Joy Tabal ang iyang kapaspas dihang gidominaran niya ang 21K premier division sa Condura Skyway Marathon 2015 kagahapon didto sa Spectrum Midway sa Muntinlupa, City.
Human sa malampuson niyang kampaniya didto sa Hong Kong International Marathon niadtong miaging buwan, si Tabal maoy misakmit sa All-Filipina 21K women’s title.
Gitapos niya ang lumba sa oras nga 1:23:06, gisundan nila ni Mary Grace de los Santos (1:25:35) ug Jho-an Banayag (1:29:30).
Isunod ni Tabal ang L.A Marathon sa sunod buwan diin mas dakung hagit ang iyang giatubang batok sa mga paspas nga runners gikan sa nagkadaiyang dapit sa kalibutan.
Sa iyang bahin, ang Cebuano nga si Noel Tillar mikawat usab og atensyon human siya nahimong third placer sa All-Filipino 42K men’s open nga gidominaran ni Rafael Poliquit Jr. (BANAT NEWS)