CEBU, Philippines – Bug-at nga misyon ang sagubangon sa Barangay Ginebra San Miguel sa sangka nila batok sa Talk N’ Text Tropang Texters sa ilang “knockout” semifinals sa PBA Philippine Cup karong gabii didto sa Smart Araneta Coliseum.
Ang Kings ug Texters magharong sa alas-7 sa gabii ug ang modaog maoy makaangkon og katungod sa pakigsangka sa San Miguel Beermen sa semifinals.
Si Barangay Ginebra coach Jeffrey Cariaso mangandam sa usa ka lisud nga sangka batok sa Texters nga usa sa mga powerhouse team sa liga. Gawas sa ilang kasinatian, mas pangandaman sa Ginebra ang duha ka mga rookies sa Talk 'N Text nga sila si Fil-American Matt Ganuelas ug Kevin Alas.
Ang Ginebra dugay nang wala kasulod sa finals ug ang kadaugan batok Texters makahatag nila og dakung momentum aron molahos ngadto sa kampiyonato. (BANAT NEWS)