CEBU, Philippines – Parehong midaog ang Lao Brokers ug ang Alin Brokers batok sa managlahing karibal kaniadtong Martes atol sa nagpadayon nga 3rd season sa BOC-CIPU Friendship Cup basketball tournament didto sa barangay Tinago gym, ning dakbayan.
Gawas nga pareho silang miabante sa ikaduhang pwesto diin nakamugna sila'g four-way tie sa 4-1 nga baraha, diriyot pa gyud magparehas ang ilang final score apan sulagma kaayo nga pareho og iskor ang nangapildeng team sa 94.
Midaog ang Lao Brokers batok sa CEI, 105-94 ug midaog sab ang Alin Brokers batok sa Transwise, 106-94. Upat na sila karon ka teams ang adunay 4-1 nga baraha lakip ang MCWD ug ang Ynah Brokers.
Ang CEI ni Wiljohn "Sugar" Camay midailos na ngadto sa 2-4 nga baraha samtang mitidlum ngadto sa 1-4 nga baraha ang Transwise.
Bugtong ang Customs Portmen na lang ni Boodie Monteno ang wala pa makatilaw og pilde sa ilang 6-0 nga baraha samtang duha na lang sab ka teams ang nangita pa'g paagi kung unsaon pagsakmit sa unang daog nga mao ang Avenido Brokers ug Global Carrier kinsa parehong naghupot og 0-6 nga baraha.
Puntos matag usa:
Lao Brokers (105) — Factor 36, Jadraque 26, Plando 11, Amaro 8, Davila 8, Baguio 7, Ramos 4, Batiquin 3, Almendras 2.
CEI (94) — N. Laborte 23, Pino 23, Amoin 14, Munez 12, Camay 6, T. Laborte 6, Genobiagon 5, Inoc 3, Bacus 2.
Second Game
Alin Brokers (106) — Tabaloc 20, Villomo 19, Barral 14, Estorgio 11, Cayanong 10, Tradio 9, Lleve 9, Alimorin 6, Alin 4, Cantiga 2, Nudalo 2.
Transwise (94) — Tejano 30, Castillo 19, Ruiz 19, Tiro 8, Binuya 6, Deniega 4, Tandas 3, Sasing 2, Guardinao 2, Castro 1. (GGM) (BANAT NEWS)