CEBU, Philippines - Plansado na ang bowling tournament sa Cebu Chamber of Commerce and Industry (CCCI) nga gitakdang sugdan ugma diha sa SM City-Cebu Bowling Center.
Ang duha ka adlaw nga torneyo nga gipasiugdahan sa CCCI Membership Development Division, kabahin sa tinuig nga sports and recreation activities sa chamber.
Tuyo ug tumong sa kalihukan mao ang pagpalig-on sa panaghigalaay ug ingon man pag-promote sa active lifestyle sa mga miyembro sa CCCI.
Kaabag sa maong torneyo mao ang Oriental Ports and Allied Services Corporation (OPASCOR) ug gipaluyohan usab kini sa Norkis, Cebu Landmasters Inc., GT Cosmetics, Cebu Bionic Hardware, NUTECH, ANSECA Development Corporation ug Hive Manufacturing.
Alang sa dugang mga pakisayod, mahimong motawag sa CCCI 232-1421 to 24 local 110 ug pangitaa si Joy, Melissa o di ba ni Sheila. (BANAT NEWS)