CEBU, Philippines - Makita na sugod karong adlawa ang bag-ong segment sa senemanang MS Motosuit Motocross TV series telecast sa CCTN 47 gikan sa alas-10 hangtod sa alas-10:30 sa buntag. Ang replays ipasalida matag Domingo gikan sa alas-10:30 hangtod sa alas-11 sa gabii.
Giuloha’g MX-R LS o Motocross Rider Life Story, ang pilot episode sa pasundayag mopagya sa kaagi sa usa ka masaarong rider sa Sugbu nga si BJ Pepito. Motukib kini sa sinugdanan ni Pepito isip rider ingon ang pag-usab kaniya nga usa ka maayong laking rider bisan pa sa iyang linghod nga pangedaron.
“We really want to present something new to our viewers. With this segment, we hope more Cebuanos would appeciate the beauty of motocross and eventually inspire them to indulge in this kind of sport,” matud pa ni MS Motosuit big boss Lou Ornopia.
Malakip sab karong adlawa ang labing bag-ong aksiyon sa MS Motosuit nga didto gipahigayon sa Dinagat Islands, Surigao del Norte. Mao kadto ang ikaupat sa unom ka legs sa comeback race series ning tuiga ni Ornopia.