CEBU, Philippines - Pormal nga ilusad ang 14th season sa Cebu Schools Athletic Foundation Inc. (CESAFI) karong alas-2 sa hapon diha sa Cebu Parklane International Hotel.
Si CESAFI President Fr. Manny Uy, SJ sa Sacred Heart School-Ateneo de Cebu ug league commissioner Felix O. Tiukinhoy Jr. ingon man tanang athletic directors ang motambong sa kalihukan.
Gawas sa pagbinayloay og mga ideya sa coaches kalabot sa ilang preparasyon, tukion sab ang programa atol sa opening day karong Sabado diha sa Cebu Colisuem.
Maoy mobukas sa 14th season sa CESAFI ang sangka tali sa University of San Jose-Recoletos (USJ-R) Jaguars ug sa University of Cebu (UC) Webmasters sa secondary ug sa collegiate divisions.
Ang duwa sugdan sa alas-4 sa hapon.
Sa dili pa ang game proper, himuon una ang tradisyonal nga Grand Palabas.
Ang mga duwa sa CESAFI himuon matag Martes, Huwebes, Sabado ug Domingo. (BANAT NEWS)