14th Philippine Hobie Challenge nakabuylo na

CEBU, Philippines -  Nakabuylo na ang 14th League sa 14th Philippine Hobie Challenge kagahapon didto sa Malapascua Legend Resort, sa Daan Bantayan, Cebu.

 Matud pa ni Rap Garcia, ang Event Secretariat sa Philippine Inter-Island Sailing Foundation  (PHINSAF),  nga  20 ka  teams gikan  sa  nagkalain-laing nasud sa kalibutan ang misalmot sa maong kalihukan. Ang matag  koponan gilangkuban og 43 ka sailors.

 Lakip sa misalmot mao ang mga world champions nga sila si Bob Engwirda ug Bruce Tardrew sa Australia ug Grahame Southwicke sa nasud sa Figi.

 Samtang ang  mga pambato sa Pilipinas mao sila si Mike Ngu ug Lyndo Pahayahay. Anaa usab kanila silang Moncho Garcia ug ang anak niini nga si Bianca Garcia nga gikan sa kaulohan.

 Ang lumba adunay duha ka kategoriya diin lima ka lumba sa in-shore series ug lima sab sa   challenger series.

Show comments