CEBU, Philippines - Pormal na nga sugdan ang Alaska Basketball Cup Cebu 2014 (ABCC) karong adlawa didto sa Magis Eagles Arena sa Sacred Heart School-Ateneo de Cebu (SHS-AdC) sa Brgy. Canduman sa Mandaue City.
Ang liga usa ka hinugpong nga proyekto sa Alaska ug sa Cebu Youth Basketball League (CYBL).
Labing menos 50 ka koponan ang mopakita'g aksiyon sa maong torneyo nga gibuak sa upat ka age-groups, ang Under 10, 13, 16 ug 19. Ang mga duwa sa Under 10, 13 ug 16 ipahigayon karong adlawa, samtang ang mga duwa sa Under 19 age group unya pa sugdan sa hinapos nga bahin sa bulan sa Pebrero.
Mangulo sa under 16 mao ang defending champion University of the Visayas (UV). Ang defending champion SHS-AdC Magis Eagles mao sab ang mangulo sa Under 13 ug 10 age groups.
Sa labing unang higayon, ang Holy Spirit School sa Tagbilaran mosalmot sa maong torneyo.