CEBU, Philippines - Sila si Meiriz Ramirez ug Kenyan Douglas Mwiti maoy nanghawod sa 21K premier division sa labing unang United Christian Church of
the Philippines (UCCP) Bradford Centennial Run kagahapon didto sa UCCP Bradford grounds sa Osmeña Boulevard, ning siyudad.
Si Ramirez maoy hara sa 21K women’s class human niya gitapos ang lumba sud sa usa ka oras, 35 minutos ug 27 segundos.
Nagsunod si Mary Jane Beboso sa oras nga 1:40:59 ug kanhi road running queen Christy Sevilleno-Tutor mipuwesto sa ikatulo
sa oras nga 1:44:18.
Sa men’s class, si Mwiti mao usab ang hari sa 21K men's division nga mi-oras og 1:14:52. Sila si Robert Daang (1:16:18), ug
Bonifacio Moncao (1:17:54) maoy miangkon sa ikaduha ug ikatulo nga dapit.
Gidominar sab sa managsuong Lovely Fe ug Jhean Andrin ang 12K women’s division dihang gisakmit nila ang una ug
ikaduhang dapit. Si Carla Cosep mi-okupar sa ikatulo.
Nagsunod usab ang mga Kenyan runners nga sila si Abraham Missos ug James Mebei nga miangkon sa una ug ikaduhang
puwesto sa men's division, samtang si Rafael Piscos mipahiluna sa ikatulo nga dapit.
Ang labing bata nga miyembro sa managsuong Andrin nga si Cherry midominar sa 6K class batok nilang Riza Bausin ug
Keisha Delechos, samtang sila si Jury Ycong ug Mary Joy Loberanis mao usab ang nanghawod sa 3K open. (BANAT NEWS)