CEBU, Philippines - Ang lumba ipahaom usab sa pagbukas sa tinuig nga "Kasadya sa SRP," usa ka proyekto sa kagamhanan sa siyudad sa Sugbu.
"Gusto sab mi og lahi ba maong among gihimong midnight run," matud pa ni Cebu City councilor Richie Osmeña atol sa press conference kagahapon didto sa Apurado Restaurant sa Don Jose Avila st. sa Brgy. Capitol Site, ning siyudad.
"Aside nga usa ni sa mga highlights sa 'Kasadya sa SRP,' it will also be a great way to promote SRP as well as wellness to the general public," dugang pa niya.
Gawas sa 42K full marathon, ang lumba gilangkuban usab sa 21K half marathon ug 5K fun run.
Ubos sa pakigtambayayong sa G-Concept sa pagpangulo ni Jeson L. Guardo, ang Midnight Marathon usa usab ka fund-raising activity alang sa mga street children sa Operation Second Chance ug mga pasyente sa psychiatric ward sa Vicente Sotto Memorial Medical Center.
Matud ni Guardo nga kapin sa 2,000 ka mga running enthusiasts ang ilang gilauman nga mosalmot sa maong lumba.
Ang registration fee nagkantidad og P350 sa 5K, P700 sa 21K ug P1,200 sa 42K libre na niini ang snacks, race bib ug singlet.
Mahimong magparehistro didto sa Runnr sa Ayala Center- Cebu, Cebu City Sports Commission (CCSC) office ug sa SM City-Cebu. (BANAT PALARO)