CEBU, Philippines - Misidlak ang Cebu-based Suzuki-BMR Racing Team dihang nanghawod kini sa upat ka kategoriya atol sa third leg sa Regional Underbone Grand Prix (RUGP) sa miaging adlaw didto sa Bohol GP Kartways sa Dumaluan Resort.
Ang rookie sa Suzuki-BMR nga si Neil Perino mipahiluna sa ikaduha ngadto ni Alfie Bolado sa Cagayan de
Oro sa beginners 130 automatic, samtang ang Boholano nga si Jeffrey Sy miokupar sa ikatulo ubos sa labing teknikal nga lumbaanan.
Ang top rider sa Suzuki BMR nga si Mario Borbon nakakuha og duha ka third place trophy pinaagi sa expert 130 ug automatic open.
Si Jay-R Daguio sa Davao Full Throttle maoy nanghawod sa expert 130 underbone class ug si Vingie Coloma sa Petronas-Porto sa expert automatic division.
Laing rider gikan sa Suzuki-BMR nga si John Louis Chan mipahiluna sa ikatulo sa novice 130 underbone nga nadaog ni Dan Carlos. (BANAT PALARO)