CEBU, Philippines - Gikulata sa mga magduduwa sa Deca Prime ang kontrang koponan gikan sa Ibabao, 86-69 sa under-12 division atol sa exhibition game nga kabahin sa Mandaue Prime Hoops School Basketball clinic niadtong Domingo didto sa open court sa maong tunghaan.
Apan ang ilang 15-under squad miyukbo ngadto sa Ibabao sa kulbahinam nga duwa sa iskor nga 68-71.
Sila si Ian Finic ug John Lloyd Soco maoy topscorers sa maong kadaugan nga miiskor og 12 ug 10 puntos matag usa.
Ang Ibabao gipangulohan sab ni John Arranchado, kinsa mibugha og 13 puntos, gisundan ni Kay Misterio nga adunay 12 puntos.
Sa 15-under division, sila si Soco ug Mercader parehong miiskor og double figures aron pangulohan ang Ibabao. Si Soco mibagdok og 20 puntos, samtang si Mercader miugbok og 18 puntos alang sa maong kadaugan.
Gipangulohan sab ni Ivan Labitad ang Deca Prime pinaagi sa iyang 18 puntos, samtang sila si Emman Yaun ug Kobe Arranchado mitimbre og 16 puntos matag usa. (BANAT NEWS)
PUNTOS MATAG USA
DECA PRIME (86) - Finic 12, JL Soco 10, Astillero 8, Cortes 8, Gorres 8, Cane 8, N. Soco 8, Jumao-as 6, Judilla 6, Villafuerte 6, Lao 4, Ursalag 2
IBABAO (69) - Arranchado 13, K. Misterio 12, Misterio 8, Inoc 6, Alferez 6, Barroga 4, Candobaba 4, Teves 4, Dy 4, Monsales 2, Kinapundan 2, Misterio 2, K. Inoc 2