Dear Atty. Divine,
Nagtrabaho ko sa usa ka company sud na sa unom ka tuig. Karong bag-o adunay nahitabong anomaliya sa among kompaniya ug usa ko sa gilambigit niini. Gipatawag ko sa HR lakip na ang ubang empliyado nga ilang gipasanginlan nga involved niini. Gitaktak mi sa company diha-diha nga wa mi hatagi og higayon nga maka explain sa among side. Ang akong pangutana kun unsay angayan nako nga buhaton to clear my name? Daghang salamat. -- Leslie
* * *
Dear Leslie,
Basi sa atong balaod, ang usa ka empleyado nga taktakon sa trabaho kinahanglan nga hatagan gyud og due process. Buot ipasabot nga kun ang employee gipasanginlan nga nalambigit sa irregularidad o nakalapas sa policy sa company, kinahanglan kini nga imbestigahon og hatagan og higayon ang empliyado sa pagpresentar sa iyang side. Kun masutang sad-an, kinahanglan sab nga hatagan og 30-day written notice ang employee. Apan sa imong kaso, gi-terminate ka nga wa hatagi og due process busa mamahimo nimong kwestyonon ang pag-terminate kanimo. Ang una nimong buhaton mao ang pagdangop sa Dept. of Labor and Employment kon Dole pinaagi sa pagrequest og Single Entry Approach aron mapahigayon ang mandatory conciliation-mediation sa imong kaso uban sa imong employer aron pagsettle sa inyong issue. Atol sa inyong settlement hearing sa Dole, you can present your side. Apan kon dili mo ma=settle sa Dole, then mamahimo ka nga mo file og Illegal dismissal complaint ngadto sa National Labor Relations Commisson kon NLRC. Mamahimo ka nga mobisita sa buhatan sa NLRC aron pag-file sa imong complaint. Atul unya sa hearing imong pamatud-an nga inosente ka sa ilang pasangil. Thank you and God Bless! -- Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.