Wagtanga ang scatter

Daghan na ang naadik sa online nga sugal nga gitawag og scatter.

Tungod sa pagkaadik ning duwa nga scatter nagkaproblema ang kabanay sa mga adik tungod kay ang uban kanila naputos na sa utang.

Bisan ang mga milyonaryo wala makaeskapo sa pagka adik sa scatter.

Sa Kapuso Mo Jessica Sojo (KMJS) nahulagway ang mga adunahan nga nabaligya ang mga sakyanan ug nailisdan na lamang kini og motor tungod sa pagkapildi sa scatter.

Ang adiksiyon sa scatter nakaabot na sa Malakanyang nga misugyot og kinulokoy nga sulbad sa adiksiyon sa scatter.

Matud pa sa tarorot ug tigpamutbot sa Malakanyang nga si Atty. Clear Castro nga sigun sa iyang nahibawam gikan mismo sa Opisyal sa Philippine Amusement Gaming Corporation (PAGCOR) nga puwede ra nga mapa-ban sa mga kabanay sa mga naadik sa scatter ang ilang kabanay pinaagi sa paghangyo sa tagdumala sa online nga sugal nga scatter.

Nganong dili naman lang pahunongon sa Malakanyang ang sugal nga scatter? Nganong ang kabanay man sa mga mangduwaay og scatter ang sugoon sa pagpaban ning maong duwa?

Nganong dili naman lang ipa-ban sa Malakanyang kining sugal nga scatter nga daghan naman unta ang mga nangaadik niini?

Tungod ba kay ang gobyerno mismo ang pinakadako nga sugarol dinhi sa Pilipinas?

Ang sulbad sa adiksiyon sa scatter mao ang paglarot sa gamot ning maong suliran ug dili ang pagputol lamang sa sanga niini. Wagtanga ang scatter, Malakanyang!