^

Banat Opinyon

Inahan ug mga anak naglalis kun asa ilubong ang namatay

LEGAL CORNER - Atty. Divine Flores - Banat

Dear Atty. Divine,

Duna koy pangutana labot sa funeral arrangement sa akong papa. Namatay siya bag-o lang  ug ang akong mama ug kaming mga anak nagsumpaki kun asa ilubong ang among amahan. Ang gusto unta namong mga igsuon nga adto ilubong ang akong papa sa lugar diin mi nagpuyo mga igsuon aron dali ra ang pagduaw sa lubong ni papa. Apan ang akong mama misupak niini ug didto gyud niya gipalubong ang akong papa sa among probinsya. Wa mi nahimo, so misugot nalang mi sa kagustuhan sa among mama. Ang akong pangutana kun kinsa man diay ang mas dunay katungod nga modesisyon kun asa ilubong ang among amahan, ang asawa o ang mga anak?  Daghang salamat.  -- Greg

Dear Greg,

Ang inyong mama maoy mas dunay  katungod nga modesisyon kun asa ilubong ang imong papa basi sa Article  305 sa Civil Code in relation to  Art. 199 sa atong Family Code nga dìin ang order sa paghatag og support mao say basihan sa order kon si kinsa ang mo-decide sa funeral arrangement. Ang desisyon ninyong mga igsuon matuman lang kun pananglit kamo nalang mga anak ang nahibilin. Ang atong balaod nagkanayon nga  ang funeral arrangement ibasi kun  unsay tugon sa namatay apan kun wa siyay tugon kalabot niini , ang   iyang kapikas maoy modesisyon. Apan kun wa na sab siyay asawa o bana then ang mga anak ang mo-decide apan kun pananglit di  magkauyon ang mga anak then ang desisyon sa kamaguwangang anak maoy mopatigbabaw. Busa sa kaso sa pagpalubong sa imong papa, ang imong mama mao gyud ang mas dunay katungod nga modesisyon niini. Thank you and God bless! -- Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

vuukle comment

PAPA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with