Way bayad bayad sa buhis
Dear Atty. Divine,
Dunay property ang akong iyaan sa probinsya nga atua na magpuyo sa America.
Karong bag-o iya kung gisugo sa pagbayad sa buhis kay dugay na daw ni niyang wa kabayri.
Pag-adto nako sa munisipyo miingon ang taga Assessor nga gitakda na daw kini nilang ipa-public auction kay 15 years na daw nga wa bayri ang buhis.
Duna koy dala nga kwarta apan kuwang busa nag-partial lang ko og bayad kay naghuwat pa ko nga mopadala og dugang kwarta ang akong iyaan. Ang akong pangutana kun dili na ba maapil sa public auction ang maong yuta human nako nabayri ang buhis partially? Daghang salamat.
Faith
* * *
Dear Faith,
Magdepende gyud na kun unsa kadako ang bayranan sa buhis sa imong iyaan ug kun unsa sab kadako ang imong partial nga gibayad.
Apan aron pagseguro gyud nga di maapil sa public auction ang maong yuta, mas maayo nga imong sultian ang taga Assessor sa tinguha sa imong iyaan sa pag-fully paid sa maong buhis ug imong hangyuon nga dili na ilakip ang naong yuta alang sa mga property nga ipa public auction. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
