Dear Atty. Divine,
Dunay yuta ang akong inahan nga na inherit gikan sa iyang mga ginikanan. Nagtinguha siya sa pagbaligya niini. Misupak kaming mga anak tungod kay sayang man gud nga mapunta sa laing tawo ang maong yuta. Apan desidido man gyud ang among inahan sa pagbaligya niini. Ang akong pangutana kun mamahimo ba kaming mga anak nga mobabag sa tinguha sa among inahan sa pagbaligya sa maong yuta? Unsa may angayan namo nga buhaton? Daghang salamat.
Dear Charlene,
* * *
Tungod kay ang maong property exclusive nga gipanag inya sa inyong inahan kay inherited man kini ug dili conjugal then dili gyud mo kabuot kun iya kining ibaligya. Kay siya may tag-iya busa siya ra gyud ang makabuot kun unsaon niya ang property ug di makapanghilabot niini ang mga anak ug bisan gani ang inyong amahan. Ang katungod sa anak sa property sa iyang mga ginikanan mahinog lang kun patay na ang iyang mga ginikanan. Ang maayo ninyong buhaton mao ang pagkombinser nalang sa inyong inahan nga kamo nalang mga anak ang mopalit sa maong property sa reasonable nga presyo aron dili mapunta sa lain ang maong yuta. Hinaut nga akong natubag ang imong pangutana. Thank you and God Bless. — Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.