Bisan di madakpan, mahusay ug makonbikto sa International Criminal Court (ICC), si Russian President Vladimir Putin gibutang na sa mga eksperto sa balaod sa nagkadugo nga lista sa mga pangulo sa kanasuran nga gipasanginlang niluba sa kaliboan kon dili man minilyon ka kinabuhi.
Gipaneguro nilang maapil sa lista ang mas unang gi-imbestigar sa ICC nga si kanhi Presidente Rodrigo Duterte sa Pilipinas. Nga gibasol sa laktod nga pagpatay sa kapin sa 30,000 sa iyang kampanya sa drugas sukad nibanos sa Malakanyang sa 2016. Ug laing kaliboan nga gipang-ihaw sa Davao Death Squad (DDS) dihang siya pay mayor sa Davao City.
* * *
Uban pang naapil sa nagkataas nga listahan:
• Adolf Hitler sa Nazi Germany: Unom ka milyon ang nangamatay sa iyang gipasiugdahan nga Holocaust;
• Joseph Stalin sa Soviet Union: 1.2 milyones ang namatay pinaagi sa forced labor, famine ug politikanhong panggukod;
• Mao Tse Tung sa China: 80 milyones ang nangamatay sa ??starvation, persecution, prison labor ug mass executions sa iyang Great Leap Forward ug Cultural Revolution;
• Pol Pot sa Khmer Rouge regime sa Cambodia: 1.7 milyones ang nangamatay sa executions, forced labor ug starvation;
* * *
• Saddam Hussein sa Iraq: 500,000 ang nangamatay sa torture ug executions;
• Bashar al-Assad sa Syria: 600,000 ang nangamatay sa panghasi sa militar apil ang paggamit og chemical weapons;
• Idi Amin sa Uganda: 500,000 ang nangamatay sa extrajudicial killings ug torture;
• Kim Il-sung ug Kim Jong-un sa North Korea: 3.5 milyones ang nangamatay sa forced labor, political purges ug famine;
• Robert Mugabe sa Zimbabwe: 20,000 ang nangamatay sa politikahong panggukod;
• Nicolae Ceau?escu sa Romania: 80,000 ang nangamatay sa torture ug executions;
* * *
• Muammar Gaddafi sa Libya: 10,000 ang nangamatay sa politikanhong panggukod;
• Mengistu Haile Mariam sa Ethiopia: 1.5 milyones ang nangamatay sa forced resettlement ug executions;
• Slobodan Milosevic sa Serbia: 250,000 ang nangamatay sa Balkan wars ug ethnic cleansing;
• Jean-Bedel Bokassa sa Central African Republic: 100,000 ang nangamatay sa torture ug executions;
• Hissene Habre sa Chad: 40,000 ang nangamatay sa torture ug executions; ug
• Omar al-Bashir sa Sudan: 400,000 ang nangamatay sa iyang gilusad nga gubat sa Darfur.
* * *