Walay lingkoranan ang mayor

Mipadayag si Lapu-lapu City Mayor Junard “Ahong” Chan sa iyang kasibot nga molingkod isip miyembro sa MCIAA Board. Apan dili pa kini mahimo kay walay “lingkoranan” alang kang Mayor Chan tungod kay, segun sa balaod, dili man miyembro sa board ang mayor sa Lapu-lapu City. Dakong baligho tinuod kining kahimtanga. Apan igo na una tingale ang gidaghanon sa miyembro sa MCIAA Board kon atong tamdan ang panultihon nga “Aron mahimong epektibo, kinahanglan ang board aduna la’y tulo ka miyembro, diin ang duha kanila absent panahon sa meeting.” Madahaan!

Mora’g Baboyan

Usa ka lalaki nga si Musa Hasahya Kasera nga taga Bugisa, Butaleja District, Uganda gikataho nga nagkalisod na sa pagpakaon sa iyang dakong pamilya nga naglangkob sa 12 ka asawa, 102 ka mga anak ug 578 ka mga apo. Wala na gani siya mahinumdum sa pangalan sa uban niyang asawa ug mga anak. Nagpatuyang lang sad ni’ng tawhana ug daw gipanag-ing lang niya ang iyang banay sa baboyan nga kinahanglan pasanayon aron mapahimuslan. Makapahinumdum sa akong amigo nga misaway sa inahan nga daghan kaayo’g anak, “Duha ra gani ka totoy gihatag nimo sa Ginoo, unya nanganak pud ka’g triplets.” Saoonz!

Gitabangan ang gobiyerno

Mipahimangno ang Bangko Sentral ng Pilipinas (BSP) sa publiko nga wala kini magpagawas ug bag-ong kwarta nga adunay denomination nga P150 ug kon aduna man ugaling susama’ng kwarta nga gipakatap, kana mga mini ug dili angayan gamiton. Karong panahona, na-uso na ang peke, ug hapit ang tanan naki-uso na usab. Nuntan sa bag-ong teknolohiya, dali na lang gayod paghimo og mga butang nga peke apan daw tinuod. Alang hinuon sa akong amigo, dili silotan ug angayan pa gani pasalamatan ang naghimo sa peke nga kwarta kay, “Iya man nga gitabangan ang gobyerno pagbuhat og kwarta.” Pagkatoytoy!Mipadayag si Lapu-lapu City Mayor Junard “Ahong” Chan sa iyang kasibot nga molingkod isip miyembro sa MCIAA Board. Apan dili pa kini mahimo kay walay “lingkoranan” alang kang Mayor Chan tungod kay, segun sa balaod, dili man miyembro sa board ang mayor sa Lapu-lapu City. Dakong baligho tinuod kining kahimtanga. Apan igo na una tingale ang gidaghanon sa miyembro sa MCIAA Board kon atong tamdan ang panultihon nga “Aron mahimong epektibo, kinahanglan ang board aduna la’y tulo ka miyembro, diin ang duha kanila absent panahon sa meeting.” Madahaan!

Mora’g Baboyan

Usa ka lalaki nga si Musa Hasahya Kasera nga taga Bugisa, Butaleja District, Uganda gikataho nga nagkalisod na sa pagpakaon sa iyang dakong pamilya nga naglangkob sa 12 ka asawa, 102 ka mga anak ug 578 ka mga apo. Wala na gani siya mahinumdum sa pangalan sa uban niyang asawa ug mga anak. Nagpatuyang lang sad ni’ng tawhana ug daw gipanag-ing lang niya ang iyang banay sa baboyan nga kinahanglan pasanayon aron mapahimuslan. Makapahinumdum sa akong amigo nga misaway sa inahan nga daghan kaayo’g anak, “Duha ra gani ka totoy gihatag nimo sa Ginoo, unya nanganak pud ka’g triplets.” Saoonz!

Gitabangan ang gobiyerno

Mipahimangno ang Bangko Sentral ng Pilipinas (BSP) sa publiko nga wala kini magpagawas ug bag-ong kwarta nga adunay denomination nga P150 ug kon aduna man ugaling susama’ng kwarta nga gipakatap, kana mga mini ug dili angayan gamiton. Karong panahona, na-uso na ang peke, ug hapit ang tanan naki-uso na usab. Nuntan sa bag-ong teknolohiya, dali na lang gayod paghimo og mga butang nga peke apan daw tinuod. Alang hinuon sa akong amigo, dili silotan ug angayan pa gani pasalamatan ang naghimo sa peke nga kwarta kay, “Iya man nga gitabangan ang gobyerno pagbuhat og kwarta.” Pagkatoytoy!

Itlog mo ‘noy, orange!

Matud pa sa Department of Agriculture, dili lamang dinhi sa atong nasud nasinati ang pagsaka sa presyo sa itlog kay suliran usab kini sa ubang nasud sama sa Japan, USA, UK ug New Zealand. Tataw nga ang nag-una’ng hinungdan mao ang dako nga production cost nga gisagubang sa mga egg producer apan wala kini hatagi’g kasulbaran sa DA. Ni’ng padayon nga pagsaka sa presyo sa itlog ug ubang produkto’ng agrikultura, basin dili na nato mabati ang nagtutani-is nga sa singgit sa tindera’g itlog didto sa bus terminal nga nagkanayon, “Itlog mo Noy, Orange; Bingka mo Nang, Ukban”. Fezteleern!

Kinaiya sa lider

Makapadani ang advertisement sa Japan Home Center, usa ka Japan discount store didto sa Panay Avenue, Quezon City nga nagkanayon “Pay with Sibuyas” (Bayari og Sibuyas). Modawat ang maong tindahan og sibuyas-bombay isip bayad sa ilang mga baligya. Dayag ang kalainan sa atong kinaiya ug sa mga Hapones sa pag- atubang sa krisis. Ang Pinoy magpunay’g reklamo sa suliran, ang mga Hapones naghimo’g paagi nga masagubang ang suliran. Mas maayo tingale ilisan sa mga staff sa Japan Home Center ang mga opisyal sa DA. Kay ginaingon man nga, “ang pagka-innovative maoy nakalahi sa lider sa iyang mga sumosunod.” Muleeeng!