Katekesis No. 87
Dinapit diha sa Grasya
“Wala kita pugsa ni Jesus ingon man ang atong kabubut-on nga ihatag ngadto kaniya.
Dili mahimong mahatag Niya ang Iyang kaugalingon alang kanato hangtud nga atong mahatag ang atong kaugalingon ngadto kaniya!” (Sta. Teresa de Jesus)
Magpabilin ang atong Ginoong Jesus nga magbarog sa ganghaan sa atong tagsatagsa ka mga kasingkasing aron manuktok nagpaabot siya nga atong ablihan aron pasudlon.
Andam siyang magpaabot hangtud sa atong kamatayon sanglit ang kamatayon mao man ang panahon diin ang atong kalag makig-atubang sa Dios aron pagahukman. Mahimong ato siyang dawaton o balibaran.
Sa hinayhinay ang kahayag nga Diosnon mao man ang mohatag og giya ug lamdag sa atong mga hunahuna ug kasingkasing.
Sa makadaghan malisod alang kanato mobiya sa atong naandang pagkamaluibon ngadto sa Dios.
Si Santa Teresa de Jesus ang usa ka adlaw niana ang nakaamgo sa iyang dakong kasaypanan sa dihang niluhod atubangan sa imahen ni Kristo nga ginaid ug gihampak sa haliging bato.
Pag-ampo
O Ginoo ang akong kahadlok sa paghimo og mga ginagmay nga mga butang alang kanimo lamang ug ang kagamay sa among panghunahuna.
Sa makadaghang higayon malisud alang kanamo ang pagsunod ug paghalad sa among kaugalingon nganha kanimo tungod sa daghan namong kahadlok. Ikaw ang among matuod nga higala, kahimo lamang gisalig namo ang tanan. Amen. (Sta. Teresa de Jesus)
- Latest
