Wa malukat ang giprenda nga yuta

Dear Atty. Divine,

Ang among yuta giprenda sa among ginikanan og P250,000.00.

Dapat bayran nila ang maong utang sud sa duha ka tuig. Mipirma ang akong parents og kasabutan uban sa iyang giprendahan ug basi sa ilang kasabutan kun dili makabayad sila si papa sa utang automatic nga mapanag-iya sa giprendahan ang yuta.

This year na mo due ang utang nila papa ug naglisud mi sa pagpangita og kwarta para ibayad kay dako man gud og interest.

Ang akong pangutana nga sakto ba ang ilang kasabutan nga automatic mapanag-iya sa giprendahan ang yuta kun di  mi kabayad? Daghang salamat.

Gwen

* * *

Dear Gwen,

Basi sa Article  2085 sa atong Civil Code kini nagdili sa creditor sa pagpanag-iya sa butang nga gi pledge o gi mortgage sama sa yuta sa imong parents nga giprenda.

Kun di makabayad ang nangutang kinahanglan  nga  i-foreclose  ang property ug dayon i-public auction ug ang proceeds niini maoy ibayad sa utang.

Kanang provision sa ilang kasabutan nga automatic mapanag-iya sa giprendahan ang yuta kun di sila kabayad sa utang usa kana ka kalapasan sa balaod  sa Article 2085 sa atong Civil Code so wa kanay legal effect. Thank you and God bless!  

Atty. Divine

* * *

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi sa akong column.