Katekesis no. 81

Ang Pagkakabig

Ang pulong pagkakabig kun conversion gikan sa pulong metanoia sa Griyego.

Ang pagkakabig nagpasabot man og 360 paradigmatic shift diin ang hingtungdan ang mo unlearn sa iyang na learn. Sama pananglit sa kasinatian ni Saulo a.k.a. Pablo.

Madasigon siyang nilutos sa  mga tinun-an sa dalan apan sa kaulahian human sa iyang makapausab nga panaw sa dalan padulong sa Damasco, nakasinati siya og pagkabuta gikan niadto nahimong nausab ang iyang panlantaw.

Gikan sa madasigong molutos nahimo siyang maisogong nanalipod niini.

Sa atong kinabuhi, makaingon kita nga ang kausaban sa usa  ka tawo dili mahimong mahitabo sa mas hinanaling paagi.

 Ang kausaban mahimong mahitabo diha sa hataas nga panaw sa kinabuhi. Ang uban gani mausab ug mabag-o diha na mismo sa higdaanan sa ilang kamatayon.

Dugang pa niini, gikinahanglan nato ang grasya kay kun sa atong kaugalingong paningkamot lamang wala kitay mahimo. Dugang pa, kun buot natong usbon ang uban. Ato unang usbon ang atong kaugalingon.