^

Banat Opinyon

EDITORYAL - Importanteng papel sa media

Ian B. Melecio - Banat
EDITORYAL - Importanteng papel sa media

Pipila palang ka mga high profile killings nga ang mga biktima mga sakop sa media dinhi sa Pilipinas ang nakaangkon og hustisya?

Niadtong nakalabay nga Lunes sa gabii, gipusil patay ang beteranong brodkaster didto sa kaulohan nga si Percy Lapid, kinsa usa sa mga kritiko ni kanhi presidente Rodrigo Duterte ug sa kasamtangang administrasyon ni Presidente Ferdinand Marcos Jr.

Ang Commission on Human Rights nihimo na og imbestigasyon bahin sa maong linoog nga krimen, apan sayod naman ang tanan nga walay padulngan ang mga susamang imbestigasyon kun ang mga otoridad sa gobiyerno dili mokooperar sa maong ahensiya.

Ang pagpatay sa mga sakop sa media usa ka direktang hulga sa kagawasan sa tanang mga tawo nga makapadayag sa ilang mga wala ganahi sa sistema sa panggobiyerno o batok sa mga nagdumala niini.

Epektibo niining gipahilom ug dili patingugon ang si bisan kinsa, supporter man o kritiko sa gobiyerno kun ang ilang ipamahayag kontra sa mga nagdala sa renda sa pangamhanan. Dili kini maoy kahulogan sa demokrasya o sa usa ka demokratikong nasud sama sa Pilipinas, kun ang mga tawo dili makatingog batok sa mga kahiwian ug pagpangwaldas sa kwarta sa katawhan sa mga opisyales sa gobiyerno, makonsiderar kini nga usa diktadoryang nasud.

Dako og papel ang mga sakop sa media pagpaabot og impormasyon ngadto sa katawhan dili lang pinaagi sa balita kondili hasta sa paghubad sa mga panghitabo ug paghatag og katin-awan ngadto sa katawhan bahin sa mga isyu nga giatubang sa gobiyerno aron sila masayod ug makahimo og mga desisyon.

Kun wala niini, ug ang tanan mag-agad lang sa kung unsay idiktar sa mga naa sa gahum, dili kini kagawasan ug dili demokratiko kay wala nay katungod ang mga tawo sa paghimo sa kung unsa ilang tan-aw maoy husto. Pinaagi sab sa media, dili makapatuyang og pangabusar ang mga naa sa katungdanan ilabi na may labot sa kurapsyon, paglapas sa tawhanong katungod ni bisan kinsang matungnan.

Busa importante nga ang media hatagan og kagawasan ug walay kukahadlok paghimo sa ilang trabaho aron mapitol ang mga angay pitulon.

Hangtud kanus-a man kaha madawat sa kinabag-an ang kamahinungdanon sa papel sa mga tigbalita sa usa ka demokratikong nasud?

CRIME

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with