^

Banat Opinyon

EDITORYAL - Maayong managana kaysa mauwahi

Banat
EDITORYAL - Maayong managana kaysa mauwahi

Nakapapaspas sa pagtaboktabok sa mga tawo ang mga taytayan ug usa sa mga labing inila kaayo mao ang Mactan-Cebu Bridge o ang gitawag sa uban nga “First Bridge”  nga opisyal ng ginganlan “Sergio  ‘Serging’ Veloso Osmeña Jr. Bridge.”

Nainugurahan niadtong Hulyo 4, 1973, ginama ug gidesinyo sa mga Pilipinong engineers aron makonektar ang mainland Cebu pinaagi sa Mandaue City tabok sa Mactan Channel padung sa Mactan Island pinaagi sa Lapu-Lapu City. Sa Lapu-Lapu City nahimutang ang tugpahanan sa Mactan Cebu International Airport nga dako og papel sa kalamboan karon sa probinsya.

Nakatabang sab sa pagkunhod sa bul-og sa trapiko ang natukod niadtong 1996 nga Marcelo Fernan Bridge nga mas duol sa MCIA ug ang labing unang toll bridge sa Sugbu ug sa tibuok Central Visayas, ang Cebu-Cordova Express Link (CCLEX).

Nagkonektar gihapon ang CCLEX sa mainland Cebu ngadto sa Mactan Island apan gikan Cebu City padung sa Lungsod sa Cordova, kasikbit nga lungsod sa Lapu-Lapu City. Apan namatikdan nga sa tulo, ang karaang taytayan maoy labing bun-og. Sa duha ka lanes niini, ang lane padung sa Lapu-Lapu City maoy pirmeng magkamang ang dagan padulhog Basak-Marigondon Road nga nagkurus sa Manuel L. Quezon Highway.

Tungod sa kataas sa Manuel L. Quezon National Highway ug kadaghan sab sa mga sakyanan, di moirog ang mga sakyanang natanggong  sa ibabaw sa unang taytayan, samot na kun peak hours. Makapabalaka kaayo kay karaan na kaayo ang maong taytayan nga ginama sa trusses (metal) bridge. Daghan na sab kining giagiang kusog nga bagyo ug mga linog. Bisan sa pasalig nga lig-on pa gihapon kini, kinahanglang gihapon tingaling tun-an sa habig sa Lapu-Lapu City ang dagan sa ilang trapiko padulhog gikan sa maong taytayan ug di paabutong dunay dautang mahitabo. Niadtong Abril 27,2022 nahugno ang karaang Clarin Bridge sa Clarin, Bohol. Upat ang nakalas apil ang usa ka langyaw ug 15 ka sakyanan ang natagak sa Loboc River. Ang hinungdan, overloaded ang taytayan  kay natanggong sa traffic ang mga sakyanan.

Way gusto og aksidente o trahedya ilabi na kun ingon niana kadako sa Serging Osmeña Bridge. Mas maayong managana daan nungka mauwahi ang tanan.

SERGIO OSMEñA’

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with