^

Banat Opinyon

Numero uno

LINTUNGANAY - Fred Languido - Banat

Karong Sabado, Agosto 6, saulogon sa Probinsiya sa Sugbo ang ika-453 nga anibersaryo niini sukad matukod isip lalawigan.

Ug sama sa naandan ubos sa pamunoan ni Gobernador Gwen Garcia, usa ka buwan ang selebrasyon pinaagi sa nagkalain-lain nga mga pinasahing kalihokan nga giandam sa Kapitolyo. Gibuksan ang pagtimaan niini pinaagi sa tradisyonal nga flag ceremony uban sa tanang mga mayor sa kalungsoran ug dakbayan sa probinsiya niadtong Lunes, Agosto 1.

Ang Pasigarbo sa Sugbo o ang indigay sa tanang festivals sa kalungsoran ug mga dakbayan sa lalawigan maoy motak-op sa engrandeng selebrasyon karong katapusang semana sa Agosto.

Sulod sa kapin sa upat ka sentenaryo ug tunga sukad mahimugso ang Probinsiya sa Sugbo dili hilabwan ang kamalamboon niini. Kamatuoran mao nga ang Sugbo maoy labing adunahan sa tanang lalawigan sa tibuok nasud pinaagi sa kapin sa P213 bilyones nga kantidad sa mga kabtangan nga gipanag-iya niini. Ug ang Sugbo maoy numero unong probinsiya sa nasud. Dili lang kana, ang gobernador niini nga si Gwen Garcia mao usab ang nag-una sa tanang 81 ka mga gobernador sa Pilipinas.

Daghan ang nasibot giunsa sa Sugbo ug ni Garcia pagkab-ot niini? Usa na nila si Director Leocadio Trovela sa Department of the Interior and Local Government (DILG-7). Sa unang higayon nasaksihan ni Trovela ang klase sa serbisyo sa probinsiya ubos sa pamunoan ni Garcia dihang miuban siya sa Caravan of Services niadtong Martes didto sa lungsod sa Argao.

Nakita mismo sa opisyal sa DILG giunsa paghangop sa publiko ang gobernador ug giunsa pagpaduol sa Kapitolyo ang serbisyo niini ngadto sa katawhan. Sigun sa iyang nasaksihan, natubag ang iyang mga pangutana nganong ang Sugbo ug si Garcia maoy numero uno sa tibuok nasud.

Sukad gisugdan sa Kapitolyo ang Caravan of Services nga ilang himoon sa matagdistrito sa probinsiya kausa matag quarter o ka usa matag-tulo ka buwan, duha ka higayon na sab ko nga personal nga nakasaksi.

Una didto sa lungsod sa Cordova niadtong miaging Sabado ug niadtong Martes didto sa lungsod sa Argao. Ug sulod sa maong duha ka higayon tataw ug dili ikatingala nganong nakab-ot ni Garcia ang makasaysayanong 1.4 milyones nga botos sa miaging eleksiyon.

Matud sa gobernador nga kawang ang kaadunahan sa probinsiya sa Sugbo kun ang mga molupyo niini dili makatagamtam sa serbisyo nga alang nila hinungdan nga ubos sa iyang pamunoan magpadayon ang Caravan of Services matag-tulo ka     buwan.

Mao ni paghatag og kinabuhi sa mga pulong nga kanunay niyang gilitok sukad pa kaniadto nga “Buhat ang Pasultion, Dili Sulti ang Pabuhaton.” Kini nga matang sa politika maoy naghimo kaniya nga numero unong gobernador sa nasud nga mismong ang iyang kaatbang sa politika way pagduhaduha nga misuporta ug miawhag pa og suporta gikan sa publiko.

Mismong si Bise Gobernador Hilario Davide III nga kontra partido ni Garcia ang miawhag sa iyang katagilungsod nga padayonon ang supporta kang Garcia ug iyang gihulagway ang kalidad sa politika niini nga usa ka bahandi.

SUGBO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user