Wa suportahi ang bata

Dear Atty. Divine,

Duna koy kapuyo og naa mi usa ka anak. Nagbuwag mi last year human nako nahibaw-an nga naa siyay laing babaye. Ang among anak 3 years old na og naa nako ang bata.

Matud sa amahan dili siya mosuporta sa among anak gawas lang kon anha niya mopuyo ang bata. Di nako ihatag niya ang among anak.

Ang akong pangutana makademand ba ko og suporta gikan sa amahan  bisan kon naa nako ang bata? Daghang salamat.

Letty

* * *

Dear Letty,

Yes, makademand ka og support sa bata bisan kon anaa nimo ang custody niini. Basi sa atong balaod, ang inahan sa illegitimate child maoy adunay sole custody sa bata.

Obligado sab ang amahan nga mosuporta sa bata basi sa atong balaod bisan pa kon ikaw ang nag-atiman niini.

Ang angayan  nimong buhaton kon di gyud mosuporta ang amahan mao ang pagpatawag kaniya sa barangay diin siya nagpuyo. Mamahimo sab nga imo siyang padad-an og demand letter gikan sa abogado.

Kon di gyud siya mohatag og suporta then mamahimo nimo siyang  pasakaan og kaso for support. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.