Nakapili na ba ka

Sunod Lunes, Mayo 9, mao na ang adlaw sa piniliay ug labing seguro sa milabay nga 90 ka adlaw nga pagpangampanya alang sa mga kandidato sa nasudnon nga posisyon ug 45 ka adlaw sa mga kandidato sa lokal nga posisyon nakapili na g’yud kamo sa mga kandidato nga imong ibutang sa katungdanan.

Hinaut pa unta nga sa inyong pagpili inyong gikonsiderar ang kasinatian, agi ug plata porma de pang gobiyerno sa mga partido ug sa mga kandidato niini. Ang ka sikat sa kandidato puwede pod nato nga mabasihan sa pagpili kun ang kasikat niini nakabase sa iyang mga nahimo, agi ug kasinatian.

Si Senador Risa Hontiveros nagpapili pag usab ning umaabot nga piniliay dili basta-basta og nahimo sa Senado tungod sa mga balaudnon nga nga iyang gipasar sa Senado nga pulos mga nahimong balaud sama sa Republic Act 9700 o Comprehensive Agrarian Reform Program Extension with Reforms (CARPER) nga nag improbar sa repormang agraryo, Republic Act 10932-Act Strengthening the Anti-Hospital Deposit Law nga nagpalig-on sa silot sa mga malapason nga hospital, Expanded Maternity Leave Act nga naghatag og taas nga paternity ug maternity leave sa mga ginikanan ug ang pirmahanan na lang ni Presidente Rodrigo Roa Duterte nga nagpalapad sa range sa benipisyo ug coverage ubos sa kasamtangang Solo Parents’ Welfare Act.

Kini ug daghan pa ang iyang nahimo sa Senado. Maong hangyo niya sa mga botante “Kaya ba ang Risa pa?”

* * *

Si Senador Panfilo “Ping” Lacson ug Senate President Vicente “Tito” Sotto III mao ang pinakahinog nga mamahimong Presidente ug Besi Presidente sa Pilipinas tungod sa taas na nilang kasinatian sa pagserbisyo sa Gobyerno. Ang pangalan niining duha wala maduhigi sa isyu sa korapsyon, hinuon si Ping naduhig sa isyu sa Kuratong Baleleng. Ang kuratong Baleleng grupo kini sa mga kidnap for ransom. Ang grupo gipang-ihaw o gipangpatay panahon nga si Lacson nahimong opisyal sa kapolisan sa nasud. Si Lacson ug Sotto ra usab ang adunay klaro nga plata porma de pang gobiyerno kun mapili nga presidente ug bise Presidente.